Úkimet sizdiń de kredıtińizdi keshirgenin qalaısyz ba?

409

Úsh kún boldy, kóp balaly analar Halyqqa qyzmet kórsetý ortalyǵynyń tabaldyryǵyn tozdyryp júr. QR Prezıdenti Qasym-Jomart Toqaevtyń Nesıeni keshirý týraly týraly Jarlyǵyna sáıkes, bankter kredıtterdi keshirip jatyr. Keshiriletinderdiń tizimin QR Eńbek jáne áleýmettik qorǵaý mınıstrligi berdi. Ony Elektrondy úkimet bazasynan tekserip bilýge bolady. Degenmen, ol tizimde keıbir kóp balalylar men Ataýly kómek alatyndar joq.

Búgin Mınıstrlik saıtyna tizimdi tekseretin fýnkııany iske qosty. Kredıti keshiriletin tizimge kirgen, kirmegenińizdi myna tómendegi siltemege kirip teksere alasyz. Eger siz baǵdarlama qatysasyz dep jazylsa, kredıtińizdiń 300 myńy keshiriledi. Otbasyndaǵy erli-zaıyptynyń da nesıeleri jeke jeke 300 myńnan keshiriledi. Keshirýge jatatyndar: kóp balalylar, 29 jasqa tolmaǵan jetim balalar, múgedek bala tárbıelep otyrǵandar, bala kezinen múgedek bolǵandar, asyraýshysynan aırylǵandar, Ataýly kómek alatyndar.

2019 jyldyń 1 maýsymyna deıingi bankte turǵan kredıtter ǵana keshiriledi. Odan keıin alynǵan kredıtter keshirilmeıdi. Sondaı aq, kollektorlarǵa ótip ketken
jáne 3 mlnnan asyp ketken kredıtter de keshirilmeıdi.

Siz kredıti keshiriletin mártebege jatasyz, biraq Mınıstrliktiń tizimine enbegen jaǵdaıda ne isteý kerek? Eger tizimde bolmaı qalsańyzdar 111 nómirine habarlasyp, ózińizdiń qaı mártebege jatatyndaryńyzdy aıtyp, qostyrasyz dep habarlaıdy quzyrly organ. Alaıda, keshe Mınıstrliktiń 1411 men 111 degen nómirlerine bizdiń analar tańnan keshke deıin habarlasyp, sóılese almady. Búgin de 111-ge zvondap kórińiz, kótere me eken?

Qazaqstannan mıllıon adam zvondap aýyzsha aıtyp, tizimge enip kete ala ma? Halyqqa qyzmet kórsetý ortalyǵy bar, soǵan baryp, óziniń sol mártebege jatatynyn dáleldeıtin qujattaryn tapsyryp, qostyrǵan jón menińshe. Mınıstrlik sony búgin-erteń qolǵa almasa, analar vıe mınıstr Svetlana Jakýpova hanymnyń vatsap nómirine qujattarymyzdy jiberemiz, Mınıstrlikke habarlasýdyń basqa múmkindigi joq dep otyr.

Tizimge kimder enbedi? Halyqqa qyzmet kórsetý ortalyqtarynyń bazasyna 2008 jylǵa deıin nekeleskenderdiń neke týraly kýálikteri enbegen. Odan keıin úılengender ǵana bazada bar. Iaǵnı, kóp balaly ana tizimde bar, onyń kúıeýi tizimde joq. Ony engizý úshin neke týraly kýálikti skanerlep bazaǵa qosý kerek. Bizdiń analar qostyrdy. Endi sony Mınıstrlikke habarlap jetkize almaı júr. Sondaı aq Qaraǵandy qalasynda 8 balasy bar ana tizimde joq. Ataýly kómek te almaıdy, ár balam ár úıde tirkeýde, sondyqtan tizimge de enbeı otyrmyn deıdi. Múgedek bala tárbıelep otyrǵan otbasylar da tizimen tys qalǵan.

Kredıt 8 qyrkúıekke deıin keshiriledi. Ýaqyt az.

 

Lázzat QOJAHMET

"Adyrna" ulttyq portaly

Pikirler