Prezıdenttiń Qytaıǵa sapary jalǵassa bir tolqý bolmaq

180

Prezıdent 10-11 qyrkúıekke josparlanǵan Qytaıǵa saparyn jalǵastyrsa bir tolqý bolady-aý. Aldaǵy 5-6 kúnde túsindirý jumystary kómektesedi dep oılamaımyn. Negizi Qytaı zaýyty jáı sebep. Onyń artynda 30 jylǵy júıeden, aldaý men arbaýdan, keri ketken tabys kóziniń azaıýynan sharshaǵan halyq bar.

Budan ármen kez kelgen sebeppen shyǵa beredi. Tyǵyryqtan shyǵýdyń joly - Elbasy tolyq ketip, prezıdent óziniń prezıdent ekenin kórsetýi kerek. Sońǵy bolǵan oqıǵalardan keıin halyq tranzıttiń joq ekenin, Elbasy áli otyrǵanyn kórdi, bildi. Ol ketpeı tynyshtyq joq.

Bıliktiń aldynda tańdaý tur. Bir kisi ketpesin dep eldiń alańǵa shyǵý qaýpin ýaqyt ótken saıyn arttyra beredi me, álde prezıdentke tolyq bılikti berip, eldi qýantyp, halyqqa bir úmit beredi me?.. Tańdaý ózderinde. Saıası elıta ne el jaǵyna, ne Elbasy jaǵyna shyǵýy tıis. Eldiń shydamy bitýge taıaý.

Bizde qytaılar sekildi uzaq kútetin Konfýyılyq mentalıtet joq. Sonda da 30 jyl tym uzaq shydady. Bolmysynan lıberaldy halyqqa bir ózgeris kerek.

 

Baýyrjan SERIKBAEV

"Adyrna" ulttyq portaly

Pikirler