Mıtıng. Almaty, Kókshetaý jańaózendikterdi qoldady

185

Qalalyq ákimshiliktiń aldyna 30 shaqty Almaty turǵyndary Jańaózendikterdi qoldaý maqsatynda sherýge shyqty. Qoldarynda "Qytaıdyń zaýyttaryna jol joq, Qytaı ekspanııasyna qarsymyz!" degen plakattar bar. Alaıda úshtik qurylymdar syrttan ǵana baqylaý ústinde. Mıtıngke qoǵam belsendileri, óner adamdary men jýrnalıster de qatysýda. Solardyń biri belgili rejısser Erkin Raqyshov aǵamyz "Adyrna" ulttyq portalynyń jýrnalısi qoıǵan suraqtarǵa jaýap berdi. Ol: "Qazir Qazaqstandy jaýlap alý saıasaty júrip jatyr. Ańqaý qazaqtarǵa jeńil nesıe berý, Qytaıdaǵy qaryndastarymyzdyń saıası lagerlerde jatýy jáne 55 zaýyttyń salynýy bizdiń bıliktiń Qytaıǵa táýeldi ekenin bildiredi. Keshe Toqaevta elimizdiń jeri satylmaıdy degenimen, jalǵa berilmeıdi degen sózdi aıtqan joq. Demek jerimizdi Qytaılar jalǵa alyp jatyr. Bul qıyndyqtan bizdi qorǵap qalatyn tek qana halyq" deıdi.
Al qoǵam belsendisi Qural Seıithanuly: "Keshe Jańaózendik jigitter nege Qazaqstandyq jigitter shyqpaıdy dep aıtty ǵoı. Sol sebepten namysqa tyrysyp shyqtyq. Qytaılyq Qazaqstannyń erkegi de, áıeli de, bıligi de satylady degen túsinikte. Biz satylmaımyz." dep sózin túıindedi.
Sondaı-aq búgin saǵat 13:00 shamasynda Kókshetaýdaǵy Abylaı han eskertkishiniń aldynda qytaı ekspansııasyna qarsy jeti adam qarsylyq sharasyn bildirdi. Olarǵa eki ese kóp polıııa qyzmetkeri kelip, 5-10 mın ishinde qoldaryn burap alyp ketken kórinedi.
Esterińizge sala keteıik, 2-qyrkúıekte jergilikti halyq eki talappen kóshege shyqty. Birinshisi Qytaıdyń 55 zaýytynyń Qazaq Jerine kirýine tıym salý. Ekinshi talap Jerdi satpaımyz. Osy eki talappen Jańaózen kesheden sherýletip jatqan bolatyn.

"Adyrna" ulttyq portaly

Pikirler