JOLDAǴY AÝYL

170

“Týǵan jer” shyǵarmashylyq baıqaýyna qatysýshylardyń týyndylaryn paraqshamyzǵa jarııalaýdy bastadyq. Kelesi kelip túsken týyndy «Úzdik poezııa» atalymy boıynsha Muhtar KÚMISBEK.

Avtor: Muhtar KÚMISBEK

 Baılanys telefony: 8-775-301-01-29

 

 

 

Jalǵyzdyń jasaýyndaı joldaǵy aýyl,
Jetimniń kóz jasyndaı salmaǵy aýyr.
Kartaǵa enbeı qalǵan jórgek-meken,
Janymnan tátti syndy sonda da bul.

Men oǵan qalaı ǵana soqpaı ketem,
Soryma bitti qala.
Jattaı bóten.
Basynda otyrsam da baqytymnyń,
Báribir janyń baıyz tappaıdy eken.

Jomarttyq keltirer me janǵa zábir,
Paıdasyz dúnıedeı pańdanady ul.
Qart otyr qaraýyldap qarasha úıdi,
"Qudaıym qaıyr ber" dep qarǵama bul.

Men kóshkem!
Ol da kóshpek bul aradan,
Dertim be dúnıeden surap alǵan.
Oshaq tur oqshaý kúnge qyzdyrynyp,
Obalyn ózi tartar myna jalǵan.

Qaıteıin...
jeliktirip az ǵana arman,
Qalaǵa aýdy ǵumyr kóz qalaǵan.
Besigin terbep jurttyń besin aýa,
Bozaryp artta qaldy bozqaraǵan.

Bozaryp artta qaldy bozqaraǵan...

 

Pikirler