2023 jyldyń 30 qyrkúıeginde Qaraǵandy oblysynda ushaq apaty bolyp, saldarynan eki ekıpaj múshesi qaza tapty, dep habarlaıdy «Adyrna» ulttyq portaly.
Azamattyq avıaııa komıtetiniń baspasóz qyzmetiniń málimetinshe, Qaraǵandy oblysynyń Balapan alańynda oqý-jattyǵý ótken. P2002 tıpti UPLA286 ushaǵy áýege kóterilip, keıin baılanysqa shyqpaǵan.
Áýe apaty jergilikti ýaqyt boıynsha saǵat 08:44-te Qaraǵandy oblysy Doskeı aýylynan 5 shaqyrym jerde bolǵan.
«Izdeý kezinde qıraǵan áýe kemesi tabyldy. Eki adam qaza tapty. Kólik mınıstrliginiń oqıǵany tergeý departamenti osy fakti boıynsha tergeýdi bastady» delingen habarlamada.
«Adyrna» ulttyq portaly
