Jyl saıyn, 15 mamyrda búkil álem Halyqaralyq otbasy kúnin toılaıdy. Ataýly kúnniń maqsaty – otbasy mártebesin kóterý, qoǵam nazaryn otbasy qundylyqtaryn nyǵaıtýǵa aýdarý. Osyǵan oraı, Taraz qalasyndaǵy Q.Rysqulbekov atyndaǵy saıabaǵynda «Otbasy aıaly alaqan mekeni» atty is-shara ótkizildi.
Saıabaq aýmaǵynda «Ákem, anam jáne men – sporttyq otbasy» atty sporttyq, «Otbasy – baqyt mekeni» atty sýret, jas otbasylarǵa arnalǵan «Qaz IQ» ıntellektýaldy oıyndary uıymdastyrylyp, qatysýshylar ózara komandalyq saıysta bir-birine degen súıispenshilik pen qurmetin kórsetti.
«Otbasy aǵashy» respýblıkalyq akııa aıasynda 75 túp ıasen aǵashy otyrǵyzyldy.
Sharaǵa oblysta qurmetke bólengen ardaqty da berekeli áýletter, ónegesi mol otbasylar qatysty. Olardyń qatarynda otbasylyq jalpy tájirıbesi 200 jyldan asatyn dárigerler dınastııasy Ýmarovtar otbasy, Altynbaevtar otbasy, dúnıege 7 qyz ákelip, 26 nemere 6 shóbere súıip otyrǵan baqytty januıa Maqashevtar otbasy, azamattyq qorǵaý organy dınastııasy Aqsaqalovtar otbasy, úsh býyndy ustazdar januıasy Arıshevtar otbasy jáne óziniń 7 ul-qyzynan bólek, qamqorlyǵyna 7 ul, 5 qyzdy alyp, tárbıelep ósirgen Erjanovtar otbasy bar.
"Adyrna" ulttyq portaly
