홈
Жаңалықтар
Мереке қарсаңында қай өңірдің көпбалалы аналары біржолғы төлем алады?

Мереке қарсаңында қай өңірдің көпбалалы аналары біржолғы төлем алады?

03.03.2024

5737

https://adyrna.kz/content/uploads/2023/10/whatsapp-image-2023-10-31-at-12.41.53-960x500.jpeg?token=7a81ed3c197b5b0abb97ab229ed63ff4

Көпбалалы аналар мереке қарсаңында біржолғы төлем алады, деп хабарлайды "Адырна" тілшісі.

Бірақ бұл Қазақстанның барлық өңірін қамтымайды.

Қарағанды, Теміртау, Приозерск, Осакаров және Шет аудандарында мерекеге орай төрт және одан да көп баласы бар аналарға және «Алтын алқа» және «Күміс алқа» алқаларымен марапатталғандарға арнайы ақша аударылмақ.

Яғни, Қарағанды облысында мереке қарсаңында халықтың әлеуметтік осал топтарына кіретін 21 861 аналар біржолғы төлем алатыны белгілі болды.

Балқашта көпбалалы аналар, Құрметті азаматтар, тыл еңбеккерлері, ҰОС қатысушыларына теңестірілген адамдар, еңбек ардагерлері, белсенді емес тыл еңбеккерлері, мүгедек балалар, белсенді емес жалғыз тұратын әйелдер, қайтыс болған ҰОС ардагерлерінің әйелдеріне төлем аударылмақ.

Ал облыстағы Абай ауданы мен Бұқар жырау аудандарында ХӘОТ, аз қамтылған, көпбалалы отбасыларға, мүгедектерге, зейнеткерлерге, түрлі саладағы қызметкерлерге, "Алтын алқа", "Күміс алқа" иелеріне бөлінеді.

Ақтоғай ауданында төрт және одан да көп баласы бар көп балалы аналарға, «Алтын алқа» және «Күміс алқа» алқаларымен марапатталған көп балалы аналарға, аз қамтылғандарға, мүгедектерге, зейнеткер-әйелдерге қаржы беріледі.

Нұра ауданында аз қамтылған, көпбалалы аналар, жастар біржолғы қолдау алады.

қарағанды Теміртау Балқаш приозерск бір жолғы төлем

Facebook - парақшамызға жазылыңыз!