Мемлекет басшысының өкімімен 25 қыркүйек Қазақстанда жалпыұлттық аза тұту күні деп жарияланды, деп хабарлайды "Адырна".
Бұл шешім Маңғыстау облысында қызметтік міндеттерін атқару кезінде қаза тапқан әскери қызметшілерге байланысты қабылданды.
24 қыркүйекте Қазақстан Республикасы қарулы күштері әскери-теңіз күштерінің Каспий теңізіндегі оқу-жаттығуы кезінде ауа райы күрт нашарлап, жел күшейген. Соның салдарынан әскери қызметшілерді теңізге алып кеткен.
Қорғаныс министрлігінің мәліметінше, алдын ала ақпарат бойынша теңізге 19 әскери қызметші кеткен. Қазіргі уақытта олардың 9-ы қаза болған. Үш әскери қызметші құтқарылды, оның біреуі ауруханаға жатқызылды.
Қалған әскери қызметшілерді іздестіру-құтқару жұмыстары жалғасып жатыр.
Қаза болғандардың отбасылары мен жақындарына қайғырып көңіл айтамыз.
