Бұл жүйеге жоспарлау мен сатып алудан бастап медициналық қызметтерді мониторингілеу мен төлеуге дейінгі барлық негізгі бизнес-процестер кезең-кезеңмен көшіріледі.
Қазір платформаға төлем функционалы көшірілуде Qalqan арқылы пилоттық режимде жалпы сомасы 2,9 млрд теңгеге үш медициналық ұйыммен есеп айырысу жүргізілді.
Басты жаңалықтардың бірі бөлшек акт болды: енді төлемді бірыңғай суперактіні қалыптастыруды күтпей-ақ, медициналық көмектің жекелеген түрлері мен қызметтер бойынша жүргізуге болады.
Медициналық ақпараттық жүйелермен тiкелей ықпалдасу енгiзiлгенге дейiн деректер Қордың жұмыс iстеп тұрған жүйелерiнен Qalqan-ға түсуiн жалғастырады.
Бұдан әрі платформа қаржыландырудың барлық циклін бірыңғай цифрлық ортада біріктіреді және МАЖ-мен тікелей деректер алмасуды қамтамасыз етеді.
Бүгінде біз «МӘМС 2.0» медициналық сақтандыру жүйесінің ауқымды трансформациясын және Kalgan бірыңғай цифрлық платформасының енгізілуін байқап отырмыз.
Өткен жылдардың нәтижелерін және міндетті әлеуметтік медициналық сақтандыру жүйесі сарапшыларының пікірлерін ескере отырып, «МӘМС 2.0» форматындағы жүйені қайта іске қосу және Qalqan бірыңғай цифрлық платформасын енгізу денсаулық сақтауды одан әрі дамытудың маңызды құралдары болып табылады деп айтуға болады.
Ең алдымен, «МӘМС 2.0» медициналық көмекті қаржыландыруға көзқарасты өзгертеді. Медициналық ұйымдардың қаржылық тәуекелдерін едәуір төмендету, техникалық қателерді барынша азайту және соның салдарынан айыппұл санкцияларының көлемін қысқарту болжанып отыр.
Qalqan бірыңғай цифрлық платформасы пациенттердің деректерін автоматтандырылған тексеруді, шоттар мен актілерді қалыптастыруды, сондай-ақ техникалық қателіктер мен адам факторының әсерінен қорғау тетіктерін көздейді. Бұл медицина қызметкерлеріне әкімшілік жүктемені азайтып, пациенттермен тікелей жұмыс істеу үшін көп уақыт босатуы тиіс.
МӘМС 2.0 жаңа моделі деректердің, болжамдау мен талдаудың негізінде басым операциялық қаржыландырудан стратегиялық басқаруға көшуге бағдарланған. Әңгіме медициналық қызметтерге ақы төлеу туралы ғана емес, сонымен қатар ресурстарды кешенді басқару, сапаны бақылау, денсаулық сақтау жүйесінің қажеттіліктерін болжау және қаржылық тұрақтылығын қамтамасыз ету туралы болып отыр.
Негізгі жаңалықтардың бірі цифрлық антифрод-бақылау - тіркеулерді автоматты түрде анықтауға, медициналық қызметтерді қайталауға, негізсіз емдеуге жатқызуға, медициналық көмек көлемін жасанды түрде ұлғайтуға және басқа да бұзушылықтарға мүмкіндік беретін талдамалық құрал болады.
Жаңа тетіктерді енгізуден күтілетін экономикалық тиімділік - денсаулық сақтау жүйесінің тиімсіз шығыстарын орта есеппен 5-10% -ға төмендету.
МӘМС-ті одан әрі реформалау ашықтықты арттыруға және қаржыландыру және медициналық қызмет көрсету процестерінің қадағалануын қамтамасыз етуге, сондай-ақ медицина қызметкерлеріне әкімшілік жүктемені азайтуға мүмкіндік береді.
Сарапшылардың бағалауы бойынша, осы шараларды іске асырудың жиынтық тиімділігі 200 млрд астам теңгені үнемдеуге мүмкіндік береді.
Босатылған қаражат денсаулық сақтау жүйесін одан әрі дамытуға, медициналық көмектің қолжетімділігін арттыруға және оның сапасын жетілдіруге бағытталуы мүмкін.
Осылайша, «МӘМС 2.0» - бұл жай ғана қаржыландыру тетіктерін өзгерту емес. Бұл неғұрлым ашық, цифрлық және нәтижеге бағдарланған жүйеге көшу, оның ортасында пациент, және оның сапалы медициналық көмек алуға құқығы қалады.
«Әлеуметтік медициналық сақтандыру қоры» КЕАҚ Астана қаласы бойынша филиалының баспасөз орталығы
