7 маусымда Калифорниядағы Ванденберг ғарыш айлағынан Falcon - 9 зымыраны ұшырылды, деп хабарлайды «Адырна» тілшісі ixbt.com-ға сілтеме жасап.
Ұшу жергілікті уақытпен 21:24-те жүзеге асқан. Зымыран орбитаға 21 Starlink спутнигі мен 2 Starshield спутнигін шығарған.
Starlink спутниктері жоғары жылдамдықты ғаламдық интернет желісін кеңейтуге арналған. Ал Starshield — SpaceX компаниясы жасаған Starlink спутниктік топтамасының мемлекеттік нұсқасы. Starshield АҚШ-тың барлау және үкіметтік миссиялары үшін арнайы әзірленеді.
Falcon 9 зымыранының бірінші сатысы Тынық мұхитындағы ұшқышсыз кемеге сәтті қонды.
Бұған дейін Starlink арқасында Боливияның 14 шалғай мектебіндегі 1000-нан астам оқушы мен мұғалім жоғары жылдамдықты интернетке қол жеткізгені хабарланған.
Starlink — әлемдегі ең танымал спутниктік интернет жүйесі. Ол 10 мыңнан астам ғарыш аппаратын қамтиды және 160 елде 12 миллионнан астам абонентке қызмет көрсетеді. Starlink-тің жаңа буыны — V3 спутниктерінің алғашқы ұшырылымы 2026 жылы Starship арқылы жүзеге асырылуы күтілуде. Бұл спутниктер қызмет мүмкіндігін айтарлықтай арттыруы тиіс.
