11 اقپانعا قاراعان ءتۇنى الماتىدا ءال-فارابي داڭعىلىندا، ويىن-ساۋىق ورىندارىنىڭ ءبىرىنىڭ ماڭىندا قر قورعانىس مينيسترلىگى 30212 اسكەري ءبولىمىنىڭ مەرزىمدى اسكەري قىزمەتشىسى، دەمالىستا جۇرگەن قاتارداعى جاۋىنگەر ن.د.بولات پەن ازامات و.چەرنوۆ اراسىندا جانجال شىقتى.
"قاقتىعىس كەزىندە بولات چەرنوۆ پەن ونىڭ ايەلى ا.چەرنوۆاعا بىرنەشە سوققى جاساعان. وسى فاكتى بويىنشا 11 اقپاندا الماتى قالالىق ءىىد بوستاندىق اۋداندىق پوليتسيا ءبولىمى بولاتقا قاتىستى قر قىلمىستىق كودەكسىنىڭ 293-باپتىڭ 1-بولىگى ("بۇزاقىلىق") بويىنشا سوتقا دەيىنگى تەرگەۋدى تىركەدى",- دەپ حابارلادى قر باس اسكەري پروكۋراتۋراسى.
ارتىنشا دەپارتامەنتتە ناقتىلانعانداي، "بولاتتىڭ اسكەري ادام ەكەنىن ەسكەرە وتىرىپ، قىلمىستىق ءىس سوت قاراۋىنا الماتى وبلىستىق گارنيزونىنىڭ اسكەري پوليتسيا باسقارماسىنا بەرىلدى".
"سوتقا دەيىنگى تەرگەپ-تەكسەرۋ اياسىندا سوت-مەديتسينا ساراپتاماسىن تاعايىنداپ، قاداعالاۋشى پروكۋرور وقيعانىڭ بارلىق ءمان-جايىن انىقتاۋعا جازباشا نۇسقاۋ بەردى",- دەپ حابارلادى قر باس اسكەري پروكۋراتۋراسى.
قر قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسىندەگى وزگە مالىمەت جاريالاۋعا جاتپايدى.
2023 جىلدىڭ 15 اقپانىندا الماتىدا ەرلى-زايىپتى ادۆوكاتتار اننا ديميتريەۆيچ پەن ولەگ چەرنوۆتى سوققىعا جىققانى بەلگىلى بولدى. اننانىڭ ايتۋىنشا، كۇيەۋى ەكەۋىنە شابۋىل جاساعان اتاقتى قازاق بالۋانى داۋلەت تۇرلىحانوۆتىڭ ۇلى بولىپ شىقتى.
كەيىن داۋلەت تۇرلىحانوۆ الماتىداعى ۇلىنا قاتىستى وقيعانى ءتۇسىندىرىپ، تەرىس قىلىعى ءۇشىن كەشىرىم دە سۇرادى.
"ادىرنا" ۇلتتىق پورتالى
