Балалар омбудсмені Динара Зәкиева Facebook желісіндегі жазбасында балалар өлімінің жиілегенін айтты, деп хабарлайды "Адырна" тілшісі.
Ішкі істер министрлігінің мәліметінше, Қазақстанда өз-өзіне қол жұмсайтын жасөспірімдердің орташа жасы 15-17 жас, бірақ мұндай жағдайлар 11-13 жас аралығындағы балалар арасында жиілеп барады.
Зәкиева мемлекеттік кеңесші Ерлан Қариннің төрағалығымен түрлі ведомстволардың, соның ішінде Білім, Денсаулық сақтау, Ішкі істер министрліктері, Бас прокуратура және басқа да құрылымдардың өкілдері қатысқан жиында кәмелетке толмағандар арасындағы суицид мәселесі талқыланғанын мәлімдеді,
Динара Зәкиева Мәдениет және ақпарат министрлігі суицидті насихаттайтын материалдарды таратудың 22 фактісін анықтап, оның 19-ы жойылғанын атап өтті.
Балалар арасындағы өлімнің жиілеуі достар арасындағы буллинг, әлеуметтік желідегі теріс ақпараттар. Зорлық-зомбылықты тарататын 56 интернет-ресурс жойылып, 101 материалға хабарлама жіберілгені белгілі болды. Сондай-ақ министрлік Telegram және Meta платформалары арқылы балаларды тарту үшін пайдаланылуы мүмкін белгілі бір атаулары бар қауіпті топтарды жою үшін олармен байланысқа шықты.
Омбудсмен Цифрлық даму министрлігі 111 байланыс орталығының сапасын арттыру бойынша жұмыс жүргізіп жатқанын хабарлады.
«Осы айдан бастап барлық мектептерде қауіпсіздік сабақтары енгізілді, біз балалар құқығын қорғау комитетімен бір жыл бойы жұмыс істеп жатырмыз. Барлығы 130 сабақ бар. Сондай-ақ, 110 мектепте KIVA қорқытуға қарсы бағдарламасын пилоттық енгізу басталды, ол келесі жылдан бастап барлық мектептерде енгізілетін болады. Сондай-ақ қаңтар айынан бастап барлық мектептерде 500 балаға бір психолог (қазіргі уақытта 1500 балаға 1 психолгтан келеді) болуы керек», - деді.
Уәкіл сондай-ақ бірқатар облыстардағы, атап айтқанда, Алматы, Шымкент, Ақтөбе және Түркістан облыстарындағы әкімдіктердің жеткіліксіз жұмысы туралы мәселені көтерді. Бұл аймақтарда психологиялық орталықтардың толыққанды жұмыс істеуі қамтамасыз етілмеген.
