Sırııa premer-mınıstriniń mindetin atqarýshy Muhammed ál-Bashır elde ýaqytsha úkimettiń quramy jasaqtalǵanyn málimdedi, dep habarlaıdy "Adyrna" ulttyq portaly RIA Novostı aqparat agenttigine silteme jasap.
"Ýaqytsha úkimet quryldy, ol "Qutqarý úkimetiniń" birneshe mınıstrinen turady. Bul úkimet 2025 jyldyń naýryzyna deıin, konstıtýııalyq máseleler sheshilgenge deıin qyzmet atqarady", – dedi ol.
Buǵan deıin, seısenbi kúni, ál-Bashır ózin úkimet basshysy qyzmetine taǵaıyndaý týraly málimdegen edi
Onyń aıtýynsha, úkimettiń mindetteri – qaýipsizdikti qamtamasyz etý jáne memlekettik ınstıtýttardyń turaqtylyǵyn saqtaý, eldiń ydyraýyna jol bermeý jáne jańa kabınet qurylǵanǵa deıin azamattarǵa qyzmet kórsetý.
Ál-Bashır burynǵy úkimet mınıstrleriniń kómegine úmit artatynyn atap ótip, úkimet aldynda kóptegen synaqtar turǵanyn aıtty.
'Qutqarý úkimeti' qarýly oppozıııa tarapynan qurylǵan. Onyń bıligi Idlıb provınııasy men Aleppo provınııasynyń soltústigindegi qarýly toptar baqylaýyndaǵy aýmaqtarǵa taralǵan. Al resmı Sırııa úkimetin premer-mınıstr Muhammed Ǵazı ál-Djalıalı basqarǵan.
Damask qarýly oppozıııanyń baqylaýyna ótkennen keıin ál-Djalıalı birneshe mınıstrmen elde qalatynyn jáne qarýly oppozıııa basshylyǵymen baılanys ornatqanyn málimdedi.
Aldyn ala Sırııada bılikke kelgen toptardyń ókilderi bılikti tapsyrý jáne anarhııanyń aldyn alý máselelerin talqylaǵan. Usynylǵan qadamdardyń ishinde barlyq áskerı toptardy taratyp, olardy áskerı operaııalardy basqarý basqarmasynyń qolastyna biriktirý týraly usynys aıtylǵan.
Eske sala keteıik, Bashar Asad Sırııadan qashyp ketken edi. Reseı Syrtqy ister mınıstrliginiń málimetinshe, Prezıdent Bashar Asad keıbir qaqtyǵysqa qatysýshylarmen kelissózder júrgizip, óz qyzmetinen ketý jáne respýblıkany tastap shyǵý týraly sheshim qabyldaǵan. Bul kelissózderge Máskeý qatyspaǵan.
Keıinirek Kremldegi derekkóz RIA Novostı agenttigine Asadtyń otbasy múshelerimen birge Reseı astanasyna kelgenin, gýmanıtarlyq sebepterge baılanysty olarǵa baspana berilgenin habarlady.
