Elimizdiń bolashaǵy jas urpaq deıtin bolsaq, sol urpaqty tárbıelep, bilim berýde bilim mekemeleriniń alatyn oryny zor. Sondaı bilim ordasynyń biri ári biregeıi bıyl 100 jyl tolyp otyrǵan Almaty qalasyndaǵy Sh.Ýálıhanov atyndaǵy №12 mamandandyrylǵan gımnazııa.
1924 jylǵy 22 qazandaǵy Qazaq KSR Halyq Komıssarlar keńesiniń qaýlysy boıynsha Qazaqtyń ólkelik úlgili tájirıbe mektebi bolyp quryldy.
1936 jyly osy mektep arqyly respýblıkada tolyq orta bilim berýdiń negizi qalandy.
Mekteptiń juldyzdy shaǵy, Soıalıstik Eńbek Eri, Qazaqstannyń eńbek sińirgen muǵalimi Rafıqa Bekenqyzy Nurtazınanyń esimimen baılanysty. R.Nurtazınanyń bastamasymen bul mektepte Odaq boıynsha orys tilin oqytýdyń, úıretýdiń ǵylymı-ádistemelik júıesi jasaldy. 1972 jyly №12 mektep respýblıka boıynsha alǵash ret aǵylshyn tilin tereńdetip oqyta bastady. Sonyń nátıjesinde respýblıkamyzda úsh tildi tereń biletin kadrlardyń ósip shyǵýyna yqpal etti.
70-den asa akademık, 300-den asa ǵylym doktory, 500-den astam ǵylym kandıdattary jáne kóptegen mádenıet qaıratkerleri mektepten túlep shyqty. Mektep túlekteri Qazaqstannyń bilim, ǵylym, óner salasyna zor úlesterin qosyp keledi. №12 gımnazııanyń qunarly qundaǵynan alǵashqy KSRO halyq artısi Kúlásh Baıseıitova, qazaqtyń alǵashqy kásibı sýretshisi Ábilhan Qasteev, alǵashqy kásibı rejısseri Asqar Toqpanov, qazaqtyń tuńǵysh músinshisi Kákimjan Naýryzbaev, KSRO halyq artısi, kúıshi-kompozıtorlar: Nurǵısa Tilendıev, Sydyq Muhamedjanov, Áset Beıseýov, Mansur Saǵatov, Qazaqstannyń halyq artısteri: Qamal Qarmysov, Ánýarbek Úmbetbaev, Narıman Qarajigitov, Torǵyn Tasybekova, aqyn-jazýshylar: Ýalıhan Qalıjan, Smaǵul Elýbaı, Shárbaný Qumarova, rejısserler: Satybaldy Narymbetov, Rústem Ábdirash, Nurqanat Jaqypbaı, memlekettik laýazymdy tulǵalar Janar Aıtjanova, Qaırat Sarybaı t.b kóptegen eline eleýli, halqyna qalaýly tulǵalar túlep shyqty.
Qazaqstannyń alǵashqy elshileriniń biri Áýeshan Qyrbasov, mektep dırektorlyǵynan Oqý-aǵartý mınıstrine deıin kóterilgen tulǵalar Kenjaly Aımanov, Baljan Bóltirikova, Shamsha Berkimbaeva, Qazaqstannyń halyq jazýshysy Smaǵul Elýbaı, ǵalym, jazýshy, qoǵam qaıratkeri Ýálıhan Qalıjan jáne t.b. qaıratkerler, Qazaqstannyń el egemendigin alýyna, táýelsiz memleket bolýyna zor úles qosty.
2007-2024 oqý jylynda №12 mamandandyrylǵan gımnazııa Almatynyń úzdik on mektebiniń qatarynan oryn alyp keledi. 2015, 2017 jáne 2020 jyldary gımnazııa “Úzdik mektep”, “Eń úzdik uıym”, “Eń úzdik pedagogıkalyq ujym” marapattaryna ıe boldy. 2022-2023 oqý jyldarynda “Úzdik mamandandyrylǵan gımnazııa” nomınaııasyn jeńip aldy. Búgingi tańda mektepte daryndy balalardy qoldaý, damytý baǵytyndaǵy jumystar jalǵasyp, pedagogıkalyq ujym bala boıyndaǵy qabiletterdi damytýǵa erekshe kóńil bólýde.
№12 mamandandyrylǵan gımnazııanyń júz jyldyq mereıtoıy «Keshe.Búgin.Erteń» úshtaǵany arqyly urpaqtar sabaqtastyǵyn qamtamasyz etedi. Mekteptiń ǵasyrlyq belesteri elimizdegi orta bilim berý salasynyń qalyptasý joldaryn kórsetip, pedagogıka tarıhynyń damýyna úles qosyp keledi. Merekelik is-sharalar aıasynda «Ǵasyr mektebi» mektep tarıhy týraly kórme, mádenı-konerttik baǵdarlama ótkiziledi.
Shoqan Ýálıhanov atyndaǵy №12 mamandandyrylǵan gımnazııanyń 100 jyldyq mereıtoıy
2024 jyldyń 23 qarashasynda Almaty qalasyndaǵy Respýblıka saraıynda Sh.Ýálıhanov atyndaǵy №12 mamandandyrylǵan gımnazııanyń 100 jyldyq mereıtoıyna arnalǵan «Bilim aıdynyndaǵy Aq keme» atty saltanatty kesh ótti. Shara qala ákimi Erbolat Dosaev pen Oqý-Aǵartý mınıstri Ǵanı Beısembaev oqyǵan resmı quttyqtaýlarmen ashylyp, bilim men ǵylym jolyndaǵy aǵartýshylardyń eńbegi men gımnazııanyń túlekteriniń jetistikterin pash etti. Keshte QR Eńbek sińirgen qaıratkeri, ánshi, mektep túlegi Tolqyn Zabırova, aty ańyzǵa aınalǵan «Dos-Muqasan» ansambli jáne «Otyrar sazy» orkestri óner kórsetti. Atalmysh orkestrge dırıjerlik etken Nurǵısa Tilendıevtiń qyzy Dinzýhra Tilendıeva. Sahnalanǵan qoıylymdarǵa Ǵabıt Músirepov atyndaǵy balalar men Jasóspirimder teatrynyń jáne Alataý dástúrli óner teatrynyń akterleri atsalysty. Mereıtoı QR eńbek sińirgen qaıratkeri, mekteptiń túlegi Birjan Hasanǵalıevtiń oryndaýyndaǵy «Atameken» ánimen qorytyndylandy. Konert rejısseri Juldyzbek Jumanbaı boldy. Talaı tulǵalar men teatr sańlaqtary, óner alpaýyttary túlep ushqan ordanyń ǵasyrlyq mereıtoıynda ulaǵatty ustazdar dán rıza bolyp, izgi nıetterimen, ilıpattaryn jaýdyrdy. Sondaı-aq jazýshy, qoǵam qaıratkeri Zeınep Ahmetova da kesh sońynda pikirimen bólisip, tarıh qoınaýyna úńilip, ótken ǵasyrdan syr shertken uıymdastyrýshylarǵa alǵysyn bildirdi.
