• Қазақ
  •   
  • Qazaq
  •   
  • قازاق
  •   
    Home » Jańalyqtar » Qosh keldiń, stýdent!

    Qosh keldiń, stýdent!

    Kúni keshe elimizdiń jetekshi ýnıversıteti mártebesine ıe,aldyńǵy qatarly bilim ordalarynyń biri jáne biregeıi ál-Farabı atyndaǵy Qazaq Ulttyq ýnıversıteti 1 kýrs jetkinshekterin stýdentter qataryna qabyldady.  Qazaq biliminiń qara shańyraǵyna taǵy da bir lep qosyldy.

    Bul keshtiń árbir jetkinshekke mańyzy óte zor. Olardyń janarynan bolashaqqa degen nyq senimmen,úlken arman murattar baıqalady. Bul áserge toly sátke  11  qazan kúni О́.A.Joldasbekov atyndaǵy Stýdentter saraıynyń alańynda kýá boldyq.

    Saltanatty keshte alǵashqylardyń biri bolyp sóz alǵan QazUÝ rektory, akademık  Ǵalymqaıyr Mutanuly stýdentterge ID karta men bilim kiltin tabystap, júrekjardy quttyqtaý sózin aıtty. «Bizdiń ýnıversıtet álemdik deńgeıdegi oqý orny jáne biz jan-jaqty damyǵan, básekege qabiletti, adamı qundylyqtardy ıgergen bilimdi azamat tárbıeleımiz. Osy oraıda bizde «Al-Farabi university – smart city» aýqymdy jobasy jumys isteıdi. Onyń negizgi ıdeıasy adamgershilk qundylyqtardy boıǵa sińirip, bilim tuǵyryn bıik ustaý», -dedi ýnıversıtet rektory.

    22384368_385860998493306_4022622672795416512_o

    Ál-Farabı atyndaǵy QazUÝ – Qazaqstandaǵy táýelsiz kadrlar daıarlaıtyn negizgi ortalyq, talaı stýdenttiń bıik shyńdarǵa jetýine sebepker bolǵan qasıetti meken. Bilikti maman, otanshyl azamat tárbıeleýdi maqsat etken oqý orny bilim berý men ǵylymnyń ozyq úlgilerin qoldanysqa engizýde.

    QS halyqaralyq reıtıngi boıynsha bıyl 236-ornyn saqtaǵan QazUÝ álemniń eń úzdik 250 ýnıversıteti qatarynda. Ulttyq reıtıng boıynsha da ýnıversıtet kóshbasshylyǵyn jyl saıyn dáleldep keledi. Atap ótý kerek, QazUÝ stýdentteri men ǵalymdarynyń jobalary Astana qalasynda ótken halyqaralyq «EKSPO-2017» kórmesinde kórsetildi. Kúni búgin ýnıversıtette 14 stýdenttik bıznes-ınkýbator qarqyndy jumys isteýde.

    22426179_385861695159903_7242530751419115341_o

    Bolashaqqa QazUÝ men birge qadam basýdy armandaǵan jas túlekter sany da jyl saıyn artyp keledi.
    Bıyl 7 myńǵa jýyq talapty jas QazUÝ stýdenti atandy. Olardyń 4098-i memlekettik bilim grantynyń, 897 Altyn belgi ıegerleri, 35 halyqaralyq jáne respýblıkalyq olımpıada jeńimpazdary, 187 Nazarbaev ınttellektýaldy mektebiniń túlekteri, 300-ge jýyq ál-Farabı olımpıadasynyń júldegerleri  bar. Bul – Qazaqstannyń joǵary bilim berý tarıhynda eshqandaı oqý orny qol jetkizbegen nátıje.

    Ýnıversıtetke qadam basqan  zań fakýltetiniń grant ıegeri  110 top  stýdenti Erádil Isabekov kesh jaıly jáne ýnıversıtet qabyrǵasyndaǵy aldaǵy maqsattary jóninde : «Elimizdiń eń tańdaýly ýnıversıtetiniń bilim grantyna ıe  bolǵanyma qýanyshtymyn. QazUÝǵa kelgennen bastap boıymdy keremet sezim bılep,tań qalýdy toqtatar emespin.

    22384178_385863955159677_4951943025127148395_o

    Jańa ómirimniń dál osy bilim ordasynda bastalǵanyna maqtanamyn. Bizdi osylaı joǵarǵy deńgeıde qarsy alady degen oı úsh uıyqtasam da túsime kirmegen edi.  Kelgenimizge kóp ýaqyt bolmasa da ýnıversıtet ómirine etene aralasa bastadyq. Bul oraıda  kýratorymyz azamattyq quqyq, azamattyq is júrgizý jáne eńbek kafedrasynyń  aǵa oqýtýshysy Hýdaıberdına Gýlnýrǵa alǵysymyz sheksiz. Alda da tobymyzben talaı asýlardy baǵyndyryp,ýnıversıtetimizdiń jandanýyna úles qosatynymyzǵa senimdimin» deıdi.

    Kesh sońynda stýdentter ýnıversıtettiń betke ustar shákirti bolýǵa, onyń abyroıyn asqaqtatýǵa, básekege qabiletti maman bolýǵa ant etip, «Gaýdeamýs» ánin hormen shyrqady. Ádemi kesh dástúrli stýdentter valsimen jalǵasyp, QazUÝ ónerpazdarynyń «Jasaı ber, QazUÝ-ym» áni qalashyq aspanynda áýeledi. Kóńildi mereke bı keshine ulasty.


    Eńlik ERǴALIQYZY

     

     

     

    Leave a Reply

    x

    Check Also

    Almaty ırkinde – «Azııa jańǵyryǵy»

    Astana qalasynyń 20 jyldyǵyna arnalǵan «Azııa jańǵyryǵy» halyqaralyq ırk óneri festıvaline qatysýshylar Almatyda merekelik qoıylym ...