• Қазақ
  •   
  • Qazaq
  •   
  • قازاق
  •   
    Басты бет » Жаңалықтар » Назарбаев: Қаптап мешітке баратын жұрттың санасы қандай екенін ешкім білмейді 

    Назарбаев: Қаптап мешітке баратын жұрттың санасы қандай екенін ешкім білмейді 

    Бәріміз дін дейміз, намаз оқимыз, жұрт қаптап мешітке барады, ал оның ішіндегі санасы қандай, оны ешкім білмейді. Бұл жөнінде Мемлекет басшысы «Жаңа гуманитарлық білім. Қазақ тіліндегі 100 жаңа оқулық» жобасы бойынша қазақ тіліне аударылған 18 кітаптың салтанатты тұсаукесер шарасында мәлімдеді, деп хабарлайды Baq.kz тілшісі.

    «Мен бізде қазір толық ағылшын тілінде жұмыс жасайтын университеттер, мектептер бар екенін білемін. Олар бәлкім ағылшын тілінде жарық көрген бұл кітаптарды оқитын шығар. Бірақ, біздегі студенттер мен оқушылар, жалпы қоғам ол оқулықтарды оқып отырған жоқ және ол білімнен шетте қалып қойды. Ал, егер олар шетте қалып қойса, онда біз дамыған 30 елдің қатарына қалай кірмекпіз? Мен біздегі басты діндер, яғни, иудаизм, христиандық, мұсылман діндері туралы кітаптарды парақтаған кезімде түсіндім, егер, біздің молдаларымыз соның барлығын білсе, анау террористерге де, экстремистерге де жауап берер еді. Қайдан шығып келе жатқанын айтар еді. Білмейді ол. Құранды оқытады. Діни қызметкерлер өз миссияларын жоғары деңгейде орындау үшін олар дін тарихын білулері керек, жаратушысы бір, жолдар әртүрлі екенін түсінулері керек», — деді Президент.

     

    Елбасы әлемдегі дәстүрлі дін өкілдерінің съезінде жиналған уақытта да осы мәселе айтылатынын атап өтті.

    «Алайда, бұған қарамастан, дін ішінде қандай соғыстар жүріп жатқанын қараңыздаршы. Қазірдің өзінде мұсылмандар арасындағы қырғын соғыс Еуропаның орта ғасырдағысымен бірдей. Париждегі католиктер мен протестанттардың арасындағы соғыс қазір шииттер мен сунниттердің арасындағы соғыс сияқты. Сол уақытты қазір біз бастан кешіріп жатырмыз. Сондықтан, діннің тарихын білу арқылы басқа жолға түсіп кеткен білімсіз жастарға түсіндіре алатын біздің діни қызметкерлер үшін құндылық болып саналады. Жалпы, барлығымыз білуіміз керек. Себебі, бәріміз дін дейміз, намаз оқимыз, жұрт қаптап мешітке барады, ал ішіндегі санасы қандай, оны ешкім білмейді. Құр әншейін елмен бірге шуылдап жүре беру керек деп санайды. Олай емес. Әрқайсысының өз мағынасы бар, дүниежүзінде ол мәселе талданған», — деді Назарбаев.

    ________________________________________________________________________Baq.kz

    Оставить комментарий

    Ваш email нигде не будет показанОбязательные для заполнения поля помечены *

    *

    x

    Check Also

    Алматы циркінде — «Азия жаңғырығы»

    Астана қаласының 20 жылдығына арналған «Азия жаңғырығы» халықаралық цирк өнері фестиваліне қатысушылар Алматыда мерекелік қойылым ...