• Қазақ
  •   
  • Qazaq
  •   
  • قازاق
  •   
    Басты бет » Жаңалықтар » «Қазақ елі» мультипликациясы Барселонада

    «Қазақ елі» мультипликациясы Барселонада

    «Қазақ елі» атты қазақ мультипликациясы тарихындағы тұңғыш тарихи толықметражды анимациялық фильмі қарашаның 4-і мен 13-і аралығында Барселонада (Испания) өтетін Азиялық кино фестивалінің (Asian Film Festival) негізгі байқауына іріктеліп алынды. 

    Анимациялық кинотуындының халықаралық кинофестивальдерде көрсетіліп, кеңінен насихатталу жұмыстарын Ш.Айманов атындағы «Қазақфильм» АҚ жүзеге асырады.

    Бұл туындыны ҚР Мәдениет және спорт министрлігінің тапсырысы бойынша «САҚ-дала» ЖШС түсірген.

    Режиссері: Батырхан Дәуренбеков
    Сценарий авторлары: Сағаділдә Үсіпбалиев, Бақытжан Кұлжабай.
    «Қазақ елі» анимациялық фильмі болашақ хандар – Жәнібек пен Керейдің балалық шағы мен есею жылдары туралы баяндайды. Мультфильмде –  ұлан-ғайыр  қазақ даласы,  заңғар таулар және Ұлы Жібек жолындағы Сығанақ, Отырар, Тараз  және Түркістан секілді  ежелгі қалалар бейнеленген.

     Фильм халықаралық аренада — сонау Испанияда көрсетілетініне қуаныштымын. Бұл мультфильмді біз ең біріншіден балаларға арнап жасадық. Картинада бостандық пен тәуелсіздік үшін күрес жолында қазақ елінің басын қалай біріктіргендігі жайлы  әңгімеленеді.Сондықтан испандық көрермендер де еліміздің бай тарихымен танысатын болады, — деді фильмнің режиссері Батырхан Дәуренбеков.

    aza-eli-multfilm1

    Аталмыш фестивальде 20 Азия елдерінің 80-ге жуық фильмдері көрсетіледі. Отандық туындыдан басқа фестивальге Қытай, Корей, Иран, Филиппин, Сингапур, Ауғаныстан, Жаңа Зеландия, Таиланд, Малайзия және  Вьетнам елдерінің фильмдері қатысады. Айта кететін жайт, фестиваль шеңберінде Ш.Айманов атындағы «Қазақфильм» АҚ жарыққа шығарған Сатыбалды Нарымбетовтың «Аманат» және Досхан Жолжақсыновтың «Құнанбай» тарихи туындылары, сонымен қатар Асқар Ұзабаевтың «Жол» драмасы мен Мұрат Маханның дебюттік «Сот орындаушысы» фильмі көрсетіледі.

    aza-eli-multfilm2

    Естеріңізге сала кетсек, жасалуында 2-D  және  3D-технологиялар пайдаланылған «Қазақ елі» анимациялық фильмі үстіміздегі жылы мамыр айында көпшілік назарына ұсынылып, кинотеатрлардан көрсетілген болатын. Фильмнің жарыққа шығуына атсалысқандар қатарында ҚР мәдениет және спорт министрі Арыстанбек Мұхамедиұлы, тарих ғылымдарының докторы Жамбыл Артықбай және белгілі жазушы  Дулат Исабеков те бар. Бас кейіпкерлерді Ғ.Мүсірепов атындағы Қазақ Мемлекеттік академиялық  балалар және жасөспірімдер театрының,  сондай-ақ,  Ж.Шанин атындағы Оңтүстік-Қазақстан облыстық қазақ драма театрының әртістері дыбыстады. Фильмнің саундтректерін  Нұрлан Абдуллин, Сәкен Майғазиев және басқа да танымал қазақстандық әншілер орындады.


    «АДЫРНА»

     

    Оставить комментарий

    Ваш email нигде не будет показанОбязательные для заполнения поля помечены *

    *

    x

    Check Also

    Алматы циркінде — «Азия жаңғырығы»

    Астана қаласының 20 жылдығына арналған «Азия жаңғырығы» халықаралық цирк өнері фестиваліне қатысушылар Алматыда мерекелік қойылым ...