• Қазақ
  •   
  • Qazaq
  •   
  • قازاق
  •   
    Home » ايدارلار » قولونەر » جازگۇل جۇماباي: كونە تۇرىك «رۋنا» جازۋىن كەستەلەۋ ارقىلى ەلگە ناسيحاتتاعىم كەلەدى

    جازگۇل جۇماباي: كونە تۇرىك «رۋنا» جازۋىن كەستەلەۋ ارقىلى ەلگە ناسيحاتتاعىم كەلەدى

    – كونە تۇرىك جازۋلى كەستەلەرگە حالىقتىڭ سۇرانىسى قالاي؟ جەكە كورمەڭىزدى وتكىزۋ ويىڭىزدا بار ما؟

     – كونە تۇرىك جازۋى اتا بابالارىمىزدىڭ اسىل مۇراسى، تىم ىقشام ءارى جەڭىل جازىلىپ وقىلاتىن جازۋى ەدى. بۇل جازۋمەن كۇلتەگىن، بىلگە قاعان، دانىشپان تونىقۇق جانە باسقا دا سان مىڭداعان جازۋلارى  ورتالىق ازيادا كەزدەسەدى. جارتاستاردا، التىن كۇمىس ىدىس اياقتاردا، ساۋىت سايمانداردا،  تەمىردەن، اعاشتان، سۇيەكتەن جانە باسقا بۇيىمداردا، كيىز سىرماق كەستەلەردە، قاعاز ماتالاردا كەزدەسەدى. بۇل سوناۋ ەسكى ءتولجازۋىمىزدى ەكىنىڭ ءبىرى جاقسى مەڭگەرىپ كەڭىنەن قولدانعاندىعىن، اتالارىمىزدىڭ وتە ساۋاتتى بولعاندىعىن تولىق دالەلدەيدى. مەنىڭ ماقساتىم دا وسى كونە مۇرامىزدى ۇمىتىپ كەتپەي، ەستە ساقتاپ، ءوزىمىزدىڭ جازۋىمىز بولعان الەم وركەنيەتىندە ورنىمىز بولەك ەكەندىگىن تانىتقىم كەلىپ، وسىلايشا  ءتۇرلى ءتۇستى ماتالارعا كەستەلەپ، جاپسىرما ەتىپ كونە تۇرىكشە ماتىندەردى جازىپ ناسيحاتتاپ كەلەمىن.

     ەلىمىز ەگەمەندىك العاننان بەرى ۇمىتىلىپ قالعان ەجەلگى تاريحىمىز، ءداستۇرىمىز قايتادان جاڭعىرىپ كەلەدى. تاۋەلسىزدىك العاننان سوڭ وسى جىلدار ىشىندە كونە تۇرىك جازۋى تۋرالى كوپتەگەن جاڭالىقتار ەلگە تارادى. وسى كۇنگە دەيىن جازىلعان ماقالا، عىلىمي ەڭبەكتەر سانى دا ارتىپ كەلەدى. ەندى وسى كونە تۇرىك جازۋلى كەستەگە دەگەن سۇرانىس جالپى حالىقتا بولماسا دا، عىلىم-بىلىمدە جۇرگەن ادامدار اراسىندا وتە كوپ. كۇداي قالاسا، استاناداعى ەكسپو-عا بارىپ، دا شاعىن كورمە وتكىزسەم دەگەن ويىم بار. ۇلتتىق ونەرىمىزدىڭ ماڭگىلىك ءداستۇرلى قازىناسىن زاماناۋي ونەر ۇلگىسىندە قايتا جاڭعىرتىپ، الەمدىك ونەر دەڭگەيىنە كوتەرەتىن مۇمكىندىك تۋادى دەپ ويلايمىن.

     بۇل – قازاق حالقىنىڭ ءداستۇرلى ونەرى ءارى كونە تۇركىلىك شىعارما – ۇلتتىق مانەرلى قۇندىلىق دەپ ايتۋعا بولادى. ەجەلگى بابالارىمىزدىڭ ءداستۇرلى جازۋىن ەل جادىندا قايتا جاڭعىرتۋ ءۇشىن جاڭاشىل، باتىل باعىت قاجەت. بۇل – قاجىرلى ەڭبەكتى قاجەت ەتەتىن جۇمىس. وسى قولونەرىمدى شىعارماشىلىق ىزدەنۋ ارقىلى كوركەمدىك، تەحنيكالىق ءادىس-تاسىلدەردى جان-جاقتى دامىتۋدى كوزدەيمىن.

    – عالىمداردان بولەك، قاراپايىم حالىق سىزگە قانداي ماقساتتاعى سىي-سياپاتقا تاپسىرىستار ءتۇسىرىپ جاتادى؟

    – تۋعان كۇندە مەرەيتوي يەلەرىنىڭ، ۇيلەنۋ تويىنداعى ەكى جاستىڭ اتى-جوندەرىن، قازاق رۋلارىنىڭ اتاۋلارىن كونە تۇرىكشە بىزكەستەمەن جازدىرىپ الىپ جاتادى. كەيدە قازاق اتاۋىن، رۋ اتاۋىن جانە ت.ب قالاعان ماتىندەرىن كەستەلەۋ ارقىلى جاساپ بەرەم. جالپى بۇل ءىستى حوببي رەتىندە باساعان ەدىم. سوندىقتان ءالى دە جەتىلدىرە ءتۇسۋىم كەرەك. تاپسىرىس بەرۋشى ازاماتتاردىڭ ۇسىنىسىن دا قولدايمىن. 

     

     

     

     


    اڭگىمەلەسكەن ارمان سەرىك ۇلى

     

     

     

     

    Leave a Reply

    x

    Check Also

    ونەرىندە وتكەننىڭ ءىزى جاتىر…

    ۇشار باسىن بۇلت شالعان الاتاۋدىڭ باۋرايىنا اقشاڭقان كيىز ءۇي تىگىلگەن. اينالاسى القىزىل گۇلگە ورانعان قازاقى ...