• Қазақ
  •   
  • Qazaq
  •   
  • قازاق
  •   
    Басты бет » Айдарлар » Қоғам » Қыздар неліктен шет елдіктерге күйеуге шығуға құмар

    Қыздар неліктен шет елдіктерге күйеуге шығуға құмар

    Бүгінде күйіп тұрған тақырыптардың бірі қазақ қыздарының шет ел азаматына тұрмысқа шығуы.  Осы ретте айта кететіні бұрын  Түркия мен Ресей азаматтарына күйеуге шығатындар көп болса, бүгін де  Қытай азаматтарына шыққандар алдыңғы орынды бермей тұр.  Осы тақырыпқа орай ардагер журналистіміз Гүлмәрия Барманбекова апайымыз  қазақ қыздарының неге шет елдіктерге күйеуге шығуға құмар болғандығын былай саралаған екен.  

    Қазақтың қыздары неге шетелдіктерге тұрмысқа шығуға ұмтылады деген сауалдың жауабын өзімше былай топшылаймын.
    Себеп көп. Тағдыр айдап, ала доба арқалаған өтпелі кезеңде шетелге жұмыс іздеп барып, жергілікті ұлт өкілдерімен көңіл жарастырып біражола қалып қойған қыздар бар. Оқу білім іздеп барып қалып қалғандар бар. Бұлардың жөні бөлек. Негізінде қыз баланы шетте оқытудың қаупі де осында. Оқытпайын десең елдегі білім сапасының сиқы анау.
    Ал енді, дәп қазіргі уақыттағы қыздардың шетелдіктер етегінен ұстап қалуға жанталаса ұмтылысының себебі мүлдем басқа сияқты.
    1. Біреудің қаңсығы — біреуге таңсық.
    2. Қолда бар алтынның қадірі жоқ.
    3. Болған сайын бола түссем деген ашкөздік. (Бұл ауқатты отбасылардың қыздарына тән көрініс).
    4. Өзгенікіне деген әуестік.

    Бір жолы болса да шетелдің дәмін татып көрген қыздар өз еліміздегі әлеуметтік тапшылықтың тауқыметін тартқысы келмейді. Ондағылардың бәрі «жұмақта» өмір сүретіндей көрінеді. Бәрін кинодағыдай елестетеді. Нағыз жанталас шетелде екенінен бейхабар. Шымылдықтың ар жағында басқа өмір барын пайымдауға өмірлік тәжірибиелері жетпейді.
    Ал шетелге шығып көрмегендер бөтен жұрттың жігітімен тұрмыс құру арқылы шетелдегі «жұмаққа» ұмтылады. Онда «жұмақ» бар ма, жоқ па деген сұраққа тереңдей бермейді. Рас, шетелде (онда да дамыған елдерде ғана) адам қызығарлық көріністер баршылық, бірақ бір көріп қайту үшін ғана. Ата бабаңның рухы сіңген, табанының табы қалған топыраққа жетері жоқ. Өлсең, көрің дайын. Басқа жұртта күлің ғана қалады.
    Жас қыздар осының байыбына бара берер деймісің.


    Гүлмәрия БАРМАНБЕКОВАНЫҢ әңгімесін тыңдаған Аида Қожмамбет 

    Оставить комментарий

    Ваш email нигде не будет показанОбязательные для заполнения поля помечены *

    *

    x

    Check Also

    Қазақстанның мұсылмандар діни басқармасы хиджап туралы пікірін жария етті

    Қазақстан мұсылмандары діни басқармасы мектептегі қыздардың орамал тағу мәселесіне қатысты өз ұстанымын білдірді, деп хабарлайды ...