• Қазақ
  •   
  • Qazaq
  •   
  • قازاق
  •   
    باستى بەت » ايدارلار » ونەر » روزا رىمباەۆا نەگە وكپەلەدى؟

    روزا رىمباەۆا نەگە وكپەلەدى؟

    بەلگىلى ءانشى روزا رىمباەۆا سوڭعى بەس جىلدا ۇكىمەتتىك كونتسەرتتەرگە شاقىرىلماي جۇرگەنىن ءمالىم ەتكەن ەدى. مادەنيەت جانە سپورت مينيسترلىگى «قازاقكونتسەرت» مەملەكەتتىك ۇيىمىنىڭ شتاتتاعى ءانشىسىنىڭ وسى سوزىنە قاتىستى تۇسىنىكتەمە بەردى، دەپ حابارلايدى Sputnik قازاقستان.

    «كەڭەستىك جانە قازاق ەسترادا ءانشىسى، پروفەسسور، اكتريسا، قازاقستاننىڭ حالىق ءارتىسى، حالىقارالىق كونكۋرستاردىڭ لاۋرەاتى، قۇرمەت جانە پاراسات وردەندەرى مەن ماراپاتتىڭ يەگەرى روزا قۋانىشقىزى رىمباەۆا مادەنيەت جانە سپورت مينيسترلىگىنىڭ قولداۋىمەن جانە ۇيىمداستىرۋىمەن وتكەن ءىس-شارالارعا ءجيى قاتىسىپ، ءوز ونەرىمەن حالىقتىڭ قوشەمەتىنە بولەنىپ ءجۇر دەپ تولىقتاي ايتۋعا نەگىز بار. مەملەكەتتىك ءىس-شارالاردا، اتاپ ايتقاندا، «ەۆرازيا» وداعىنىڭ اشىلۋىنا وراي وتكەن گالا-كونتسەرتتە رەسەيدىڭ حالىق ءارتىسى يوسيف كوبزونمەن بىرىگىپ دۋەت ورىندادى جانە قر تاۋەلسىزدىگىنىڭ 25 جىلدىعىنا وراي ۇيىمداستىرىلعان كونتسەرتتە قازاقستاننىڭ حالىق ءارتىسى الىبەك دىنىشەۆ، قر ەڭبەك سىڭىرگەن قايراتكەرى بەكبولات تىلەۋحانمەن بىرگە بىرىگىپ ساحنادا ونەر كورسەتتى»، — دەيدى مينيسترلىكتىڭ ءباسپاسوز قىزمەتى.

    سونىمەن قاتار، روزا رىمباەۆا «قازاقكونتسەرت» مەملەكەتتىك ۇيىمىنىڭ اتىنان 2018 جىلدىڭ باسىنان گاسترولدىك ساپارلارمەن وبلىستاردى ارالاعان.

    بۇدان بولەك، مينيسترلىك حالىق ءارتىسىنىڭ استانانىڭ 20 جىلدىق مەرەيتويىنا وراي مادەنيەت جانە سپورت مينيسترلىگىنىڭ ۇيىمداستىرۋىمەن 15-16 ماۋسىم ارالىعىندا وتكەن «Voice of Astana» حالىقارالىق كونكۋرسى اياسىندا باتىرحان شۇكەنوۆتى ەسكە الۋ كەشىندە ونەر كورسەتكەنىن دە  ەسكە سالىپتى.

    ال الداعى ۋاقىتتا رىمباەۆا كونستيتۋتسيا كۇنىنە جانە تاۋەلسىزدىكتىڭ 26 جىلدىق مەرەيتويىنا وراي ۇيىمداستىرىلاتىن گالا-كونتسەرتكە قاتىسادى دەپ جوسپارلانعان ەكەن.

    «مادەنيەت جانە سپورت ءمينيسترى ارىستانبەك مۇحامەدي ۇلى روزا رىمباەۆانىڭ ونەرىنە ەرەكشە قاراپ، رەپەرتۋارىنداعى كوپتەگەن اندەرىن ءسۇيىپ تىڭدايدى. سونىمەن بىرگە، الداعى ۋاقىتتا دا كيەلى قازاق ساحناسىنىڭ تورىندە روزا قۋانىشقىزىنىڭ ونەرىن تاماشالىعىسى كەلەتىنىن جانە قازاقتىڭ ونەرىن الەمگە تانىتقان انشىگە تەك قانا شىعارماشىلىق شابىت پەن تابىستار تىلەيتىنىن جەتكىزدى»، — دەپ اتاپ ءوتتى ءباسپاسوز قىزمەتى.

    ايتا كەتەيىك، بۇگىن استانادا وتكەن ءباسپاسوز ءماسليحاتىندا روزا رىمباەۆا استانانىڭ 20 جىلدىعى مەرەيتويىنا ارنالعان كونتسەرتتىك باعدارلامالاردان نەگە كورىنبەي جۇرگەنىن تۇسىندىرگەن بولاتىن.

    «كەيىنگى بەس جىلدا مەن مادەنيەت مينيسترلىگىنىڭ، پرەزيدەنتتىك اپپاراتتىڭ بىردە-ءبىر كونتسەرتىندە جوقپىن. مەنى شاقىرادى، كەيىن قوڭىراۋ سوعىپ، ءسىزدى باعدارلامادان الىپ تاستادىق دەپ ايتادى. وسى جولى دا تۋرا سولاي  بولدى. «ا+» كومپانياسى ناعيما ەسقاليەۆا ەكەۋمىزدى اۋەلى باعدارلاماعا قوسىپ، ەرتەسىنە حابارلاسىپ، الىپ تاستادىق دەدى. نە ءۇشىن، نە سەبەپتەن  ەكەنىن ايتپايدى»، — دەيدى ءانشى.

    رىمباەۆا مەرەكەلىك باعدارلامالارعا نەگە شاقىرىلماي جۇرگەنىن ۇيىمداستىرۋشىلاردىڭ وزىنەن سۇراۋدى ۇسىنعان ەدى.

    وستاۆيت كوممەنتاري

    ۆاش email نيگدە نە بۋدەت پوكازانوبيازاتەلنىە دليا زاپولنەنيا پوليا پومەچەنى *

    *

    x

    Check Also

    ءشامشى تۋرالى سىر

    15 تامىز قازاقتىڭ سۇيىكتى ءشامشىسىنىڭ تۋعان كۇنى. ءشامشى قالداياق ۇلىن قازاقستاندا بىلمەيتىن جان جوق. ونىڭ «مەنىڭ ...