• Қазақ
  •   
  • Qazaq
  •   
  • قازاق
  •   
    Басты бет » Айдарлар » Асыл қазына » Аманкелді Имановтың домбырасы
    DCF 1.0

    Аманкелді Имановтың домбырасы

    1916 жылғы Торғайдағы ұлт-азаттық көтерілістің басшысы Аманкелді Имановтың домбырасы Қостанай облыстық тарихи-өлкетану музейінде тұр екен. Жуырда Қостанай қаласына барған сапарымызда жәдігерді өз көзімізбен көруге мүмкіндік туған еді. Аспаптың көркемдігі ерекше. Сүйектермен ою-өрнектер жапсырылып, өте әсем безендірілген. Жәдігер Қостанай облыстық тарихи-өлкетану музейіне 1964 ж. 21 тамызда келіп түскен.

    Музейдің ғылыми әдістемелік жұмыстармен қамтамасыз ету бөлімінің меңгерушісі Нәзима Қуанышбайқызы айтуынша, бұл құнды домбыраның ұзындығы – 90 см. 14 пернелі, шанағының көлемі сопақша. Домбыраның қапталы, беті, сыртқы сауыр дүмі жеке-жеке шабылып, шеберлікпен жымдастыра құрастырылған. Домбыраның сырты сүйекпен көмкерілген. ХІХ ғасырдың аяғы – ХХ ғасырдың басы.

    Қостанай облыстық тарихи-өлкетану музейінің «Туған жер тарихы» залында музыкалық аспаптар экспозициясына домбыра, нарқобыз қойылған.


    Арман ӘУБӘКІР, 

    Қостанай, 

    «Адырна» ұлттық порталы

    Оставить комментарий

    Ваш email нигде не будет показанОбязательные для заполнения поля помечены *

    *

    x

    Check Also

    Ұлы қазақтар әзілдейді

    Өнер алды қызыл тіл» деп білетін қазақ халқы әзіл арқылы көңіл көтеріп қана қоймай, әшейінде ...