• Қазақ
  •   
  • Qazaq
  •   
  • قازاق
  •   
    باستى بەت » ايدارلار » ادىرناما » تەرەڭ تاريح تاعىلىمى

    تەرەڭ تاريح تاعىلىمى

    29 مامىر كۇنى الماتى ءسان جانە ديزاين كوللەدجىندە «كيەلى، بيىك -تۇعىرىم » دەگەن اتپەن مازمۇنى مەن ءمانى ەرەكشە  ءىس-شارا ءوتتى. وقۋ ورنىنىڭ ىشكى اۋلاسىندا ءوسىپ تۇرعان الىپ ەمەن تاريحىنا قاتىستى قالامىزدىڭ  عىلىمي ورتالىقتارىنىڭ،  قازاقستان جازۋشىلارىنىڭ  وداعى  وكىلدەرى، ءباسپاسوز قىزمەتكەرلەرى قاتىستى.

    جيىندى  كوللەدج ديرەكتورى نادەجدا نيكولاەۆنا  ياكوۆلەۆا اشتى. وقۋ ورنى باسشىسى وسى  ەمەن اعاشىنىڭ كوللەدج  ماقتانىشى، رۋحاني تىرەگى ەكەندىگىن وعان دەگەن ستۋدەنتتەر مەن  ۇستازدار قاۋىمىنىڭ، كوللەدج تۇلەكتەرىنىڭ  ىقىلاسى ەرەكشە ەكەندىگىنە توقتالىپ، سالتاناتتى جيىنعا كەلگەن ارنايى قوناقتار  قازاقستان  جازۋشىلار  وداعى توراعاسىنىڭ ورىنباسارى،  اقىن، فيلولوگيا عىلىمدارىنىڭ  دوكتورى -باۋرىجان جاقىپتى،  بوتانيكا عىلىمي زەرتتەۋ ينستيتۋتتىڭ  زەرتحانا  مەڭگەرۋشىسى، بيولوگيا  عىلىمدارىنىڭ كانديداتى — سەرگەي چەكاليندى، «ادىرنا» ۇلتتىق ەتنوگرافيالىق بىرلەستىك ديرەكتورى — ارمان  اۋباكىردى،  مادەنيەتتانۋشى — بەردالى وسپاندى،  تاريحشى ەتونگراف  — ارداق بەركىمبايدى تانىستىردى.

    جيىن بارىسىندا كوللەدج ونەرپازدارى ەمەن تاريحىنان ءسوز قوزعاپ، ونىڭ تۇبىنەن 1941-1945 جىل ارالىعىندا ۇلى وتان سوعىسىنا  اتتانۋشىلار جاقىن جۋىعىمەن  وسى ارادا  قوشتاسقاندارى تۋرالى باياندادى.

    قاسىم امانجولوۆ، ابدوللا جۇماعاليەۆ، سىرباي ماۋلەنوۆتەردىڭ وسى ەمەن  تۇبىنەن اتتانۋىن ساحنالاپ كورسەتتى. رايىمبەك باتىر  مونولوگىن ورىندادى. ەمەن اعاشى تۋرالى ولەڭدەر وقىلىپ اندەر ورىندالدى.  كوللەدج ستۋدەنتتەرى جيىنعا ارنايى كەلگەن قوناقتاردىڭ  پىكىر كەڭەستەرىنە زور ىقىلاسپەن قۇلاق ءتۇردى.

    جيىندا قوناقتارى قاتارىنان  العاش ءسوز العان بوتانيك عالىم سەرگەي چەكالين: الماتى ەمەندەرىنىڭ تاريحى 1858 جىلدان باستالاتىندىعىن،  ونىڭ الماتىنى جەرسىنىپ ءوسۋ تاريحىنا توقتالدى.  كوللەدجدىڭ ايبىنىن اسقاقتاتىپ تۇرعان الىپتىڭ  الماتىداعى ۇشەۋدىڭ ءبىرى جانە  ەڭ ءىرىسى ەكەندىگىن اتاپ ايتتى.

    قازاقستان جازۋشىلار وداعىنىڭ توراعاسى  ورىنباسارى، اقىن  باۋىرجان جاقىپ كوللەدج ۇستازدارىمەن وسى ەمەن اعاشىن جاستارعا رۋحاني تۇعىر بولاتىن دەڭگەيدە قانداي ارەكەتتەر اتقارۋعا  بولاتىندىعى تۋرالى  بۇرىن دا اقىلداسقانىن، شەشىمدى ءسوز بوتانيك عالىمدار تاراپىنان  بولۋعا ءتيىستى ەكەندىگىن ايتىپ،  بۇگىنگى جيىننىڭ سول شەشىممەن  ىسكە اسقاندىعىنا توقتالدى. كەزىندە ابىز اقىن جامبىل اق باتاسىن  بەرىپ، مايدانعا اتتاندىرعان ابدوللا  جۇماعاليەۆتىڭ  عۇمىر  دەرەگى  وسى ەمەنمەن بايلانىساتىنا  توقتالا كەلىپ، كەلەششەكتە  وسى ەمەن تۇبىندە  ولەڭ جىر كەشتەرى مەن بايقاۋلارىن ءجيى وتكىزىپ تۇرىڭدار دەدى. اقىن كوپشىلىك ۇسىنىسىمەن  ولەڭ وقىپ بەردى.

    مادەنيەتتانۋشى بەردالى وسپان قازاقتىڭ اقىن قىزى ماريام حاكىمجانوۆانىڭ ەستەلىگىندە اسكەري كوميسساريات  ەمەن تۇبىنە جيناعان مايدانعا اتتانۋشىلارمەن قوشتاسۋ ميتينگىسىندە اقىن بابامىز جامبىل ابدوللا اقىنعا باتاسىن بەرىپ  اتتاندىرۋىنا قاتىسقانىن، ابدوللانىڭ «ماريام اپا، مەن سىزبەن حات جازىپ حابارلاسىپ تۇرامىن» دەپ قوشتاسقانىن جازعان دەرەگىنە توقتالدى. كوللەدج قابىرعاسىنا ەستەلىك تاقتا ورناتۋ تۋرالى ۇسىنىس جاسادى.

    «مىنە بۇگىن، سەندەرگە، كوللەدج جاستارى «بولاشاقتارىڭ جارقىن بولسىن!» دەپ قازاقتىڭ تانىمال اقىنى  باۋرجان جاقىپ باتا بەردى. ەمەندەرىڭدى ارداقتاعاندارىڭ دۇرىس، ونىمەن ماقتانعاندارىڭ ورىندى. بۇل ەمەن سەندەردىڭ عانا ەمەس بۇكىل الماتى جۇرتىنىڭ، ونىڭ  وسكەلەڭ ۇرپاعىنىڭ ماقتانىشى. وزدەرىڭ ايتقانداي ەلدىڭ، جەردىڭ كيەسى» — دەدى.

    كوللەدج ستۋدەنتتەرى الىپ بۇتاقتارى سان تاراۋ بولىپ  جايقالىپ، اسقاقتاپ تۇرعان  ەمەندەرىنە زور قۇرمەتپەن  ۇزاق  كوز تىگە قاراستى.


    كوللەدج وقىتۋشىسى، نۇر وتان  بپۇ ءتورايىمى-كۇلزيا اۋكاشوۆا

    كوللەدج پەداگوگ-پسيحولوگى – ايگەرىم تۋلباەۆا

     

     

    وستاۆيت كوممەنتاري

    ۆاش email نيگدە نە بۋدەت پوكازانوبيازاتەلنىە دليا زاپولنەنيا پوليا پومەچەنى *

    *

    x

    Check Also

    ابزال قۇسپان مەن «ادىرنا» بىرلەستىگى ورالماندار ماسەلەسىن ايقىن شەشۋدى قولعا الدى

    «وتان — وتتان دا ىستىق» جوباسى اياسىندا، 2018 جىلدىڭ ەڭ اتى شۋلى ءىس سايراگۇل ساۋىتبايدىڭ ...